क्वचित मिळते सरळ-सोट वाट,
बाकी असतो वळणाचा घाट
साधं-सरळ आयुष्य नसतं,
ठरवलेलं बऱ्याचदा फसतं
कुठून कुठे पोचला,
यावर सारे यश ठरे
खळगे केले किती पार,
दुनिया त्याला विसरे
"दुनिया गयी भाड में",
मार त्यांना फाट्यावर
त्यांचा प्रवास ते करतील,
तुझा प्रवास तू कर
तुझ्या 'चूका' सांगणारे,
मिळतील तुला पदोपदी
'चूका' सांभाळून घेणारी,
व्यक्ती अगदीच एखादी
दुर्लक्ष करायला शिक,
गोंगाट कमी होईल
'खरी' माणसं गोळा कर
प्रवास तेवढाच सुकर होईल
-अंकुश
