मराठी बाणा

परवा अशाच गप्पा रंगल्या,महाराष्ट्राच्या इतिहासावर

जाज्वल्य अभिमान जागा झाला,दोन पेग रिचवल्यावर

घड्विला महाराष्ट्र ज्यांनी,त्यांना आठ्वुन मुजरा केला

अटकेपर्यंतचा इतिहास , आम्ही घटकेत पूर्ण केला

इतिहासातले मतभेद , आमच्यातही झाले

आणखी दोन रिचवल्यावर , शब्दाचे अपशब्द झाले

लढ्वले आम्हीच , शिवबाला बाजीराव आणि

टिळ्कांना रामदासांशी

नविन इतिहास घडत होता , एका बाटलिच्या शेवटाशी

मूठी आवळल्या , पैजा झडल्या आणि फुंकले रणशिंग

दुमदुमले आसमंत सारे , काच पावली दुभंग

असे घडावे अकल्पित काही,होती ही तर श्रीं ची ईच्छा

सहाव्या साठी सारयांनीच दिल्या , एकमेकांना शुभेच्छा !!!

आठव्या नंतर प्रत्येक जण , झोके घेउ लागला

इंग्रजी दारु मधे , मराठी बाणा पुरता वाहून गेला

- अंकुश